ਕੁਸ਼ਤੀ ਮੇਰੇ ਲਈ ਪੂਜਾ ਕਰਨ ਵਰਗੀ : ਸਾਕਸ਼ੀ

ਚੰਡੀਗੜ੍ਹ— ਰੀਓ ਖੇਡਾਂ ਦੀ ਕਾਂਸੀ ਤਮਗਾ ਜੇਤੂ ਸਾਕਸ਼ੀ ਮਲਿਕ ਨੇ ਅੱਜ ਕਿਹਾ ਕਿ ਉਨ੍ਹਾਂ ਦੇ ਲਈ ਕੁਸ਼ਤੀ ਪੂਜਾ ਕਰਨ ਵਰਗੀ ਹੈ। ਸਾਕਸ਼ੀ ਨੇ ਪਿਛਲੇ ਸਾਲ ਰੀਓ ਓਲੰਪਿਕ 'ਚ ਤਮਗਾ ਜਿੱਤ ਕੇ ਇਤਿਹਾਸ ਰਚ ਦਿੱਤਾ ਸੀ। ਉਹ ਇਹ ਕਾਰਨਾਮਾ ਕਰਨ ਵਾਲੀ ਭਾਰਤ ਦੀ ਪਹਿਲੀ ਮਹਿਲਾ ਪਹਿਲਵਾਨ ਹੈ।
ਸਾਕਸ਼ੀ ਨੇ ਕੌਮਾਂਤਰੀ ਕੁਸ਼ਤੀ ਦਿਵਸ 'ਤੇ ਮੌਕੇ 'ਤੇ ਆਯੋਜਿਤ ਪ੍ਰੋਗਰਾਮ ਤੋਂ ਬਾਅਦ ਪੱਤਰਕਾਰਾਂ ਨੂੰ ਕਿਹਾ, ''ਮੈਂ ਦੂਜੀ ਵਾਰ ਓਲੰਪਿਕ ਤਮਗਾ ਜਿੱਤਣ ਵਾਲੀ ਪਹਿਲੀ ਮਹਿਲਾ ਪਹਿਲਵਾਨ ਬਣਨਾ ਚਾਹੁੰਦੀ ਹਾਂ।'' ਉਨ੍ਹਾਂ ਕਿਹਾ, ''ਮੇਰੇ ਲਈ ਕੁਸ਼ਤੀ ਪੂਜਾ ਕਰਨ ਵਰਗੀ ਹੈ। ਮੈਂ ਅੱਜ ਜੋ ਵੀ ਕੁਝ ਹਾਂ ਉਹ ਇਸ ਖੇਡ ਦੀ ਵਜ੍ਹਾ ਨਾਲ ਹਾਂ ਜਿਸ ਨੇ ਮੈਨੂੰ ਸਿਖਾਇਆ ਕਿ ਸਫਲਤਾ ਦੇ ਲਈ ਕੋਈ ਸ਼ਾਰਟਕਟ ਨਹੀਂ ਹੁੰਦਾ। ਮੇਰੀ ਪ੍ਰੈਕਟਿਸ ਚਲ ਰਹੀ ਹੈ। ਮੈਂ ਅੱਗੇ ਵੀ ਸੁਧਾਰ ਕਰਨ ਦੀ ਕੋਸ਼ਿਸ ਕਰਾਂਗੀ ਕਿਉਂਕਿ ਤੁਸੀਂ ਸਿਖਣਾ ਕਦੇ ਬੰਦ ਨਹੀਂ ਕਰਦੇ।''
ਜ਼ਿਕਰਯੋਗ ਹੈ ਕਿ ਸਾਕਸ਼ੀ ਦਾ ਪਿਛਲੇ ਮਹੀਨੇ ਵਿਆਹ ਹੋਇਆ ਸੀ। ਉਨ੍ਹਾਂ ਕਿਹਾ ਕਿ ਵਿਆਹ ਦੇ ਬਾਅਦ ਕੁਝ ਵੀ ਬਦਲਿਆ ਨਹੀਂ ਹੈ ਅਤੇ ਉਨ੍ਹਾਂ ਕੁਸ਼ਤੀ ਜਾਰੀ ਰੱਖੀ ਹੈ। ਉਨ੍ਹਾਂ ਕਿਹਾ, ''ਇਹ ਤੁਹਾਡੀ ਮਾਨਸਿਕਤਾ 'ਤੇ ਨਿਰਭਰ ਕਰਦਾ ਹੈ। ਕਈ ਵਿਦੇਸ਼ੀ ਪਹਿਲਵਾਨ ਵੀ ਵਿਆਹੇ ਹਨ। ਉਨ੍ਹਾਂ ਦੇ ਬੱਚੇ ਹਨ ਅਤੇ ਉਹ ਅਜੇ ਵੀ ਤਮਗੇ ਜਿਤ ਰਹੀਆਂ ਹਨ।''

Share this article

About author

Super User

Email This email address is being protected from spambots. You need JavaScript enabled to view it.

80761 comments

Leave a comment

Make sure you enter all the required information, indicated by an asterisk (*). HTML code is not allowed.

Top